Xorazm viloyatining Sarimoy hududida bo‘lib o‘tgan tantanali marosim «Gazli–Sarimoy» va «Oqchaloq–Gazli–Nukus» gaz quvurlari qurilishiga start berdi. Quvurlar yo‘nalishlarining umumiy uzunligi 275 kilometrni tashkil etadi, loyihani esa 2027-yil sentabr oyida yakunlash rejalashtirilgan.
Quvurning ilk payvandlanishi tadbirning eng muhim lahzasiga aylandi va loyiha ishlarining amaliy qurilish bosqichiga o‘tganini anglatdi.
Loyihaning buyurtmachisi UZTRANSGAZ, bosh pudratchisi esa UET hisoblanadi. Probuild Generation loyiha ishlarini UET tarkibida, muhandislik va qurilish jamoalari bilan birgalikda amalga oshirishda ishtirok etmoqda.
Qurilish doirasida yo‘nalishni tayyorlash, quvurlarni payvandlash va montaj qilish, sifat nazoratini olib borish hamda sanoat xavfsizligi talablarini ta’minlash bo‘yicha kompleks muhandislik va qurilish-montaj ishlari bajariladi. Shuningdek, qurilishning atrof-muhitga ta’sirini kamaytirish, tabiiy landshaft va mavjud o‘simliklarni asrash hamda hududdan oqilona foydalanishga alohida e’tibor qaratiladi.